Steve Duarte Condessa

Mäin Numm ass Duarte Condessa Steve, ech sinn 32 Joer al an ech schaffen zanter dem 15. Abrëll am Betzder Jugendhaus als qualifizéierten Educateur. Verschiddener kenne mech wuel aus dem Danzberäich oder weint menger Erfarung am Jugendsekteur. Ech hun e gudden Deel vu menger Carrière am Jugendhaus vu Bouneweg a Gaasperech geschafft, dat huet mir e zolidd Fundament ginn an ech si frou dëst Wëssen am Jugendhaus Betzder uwenden ze kënnen.

Ech interesséiere mech fir Konscht a sinn Danzproff. Ech danzen zënter iwwer 10 Joer an hunn eng ASBL (Be-you ASBL) gegrënnt, an dem Kader gin ech Danzcoursen an mir organiséieren Evenementer.

Sport ass och e groussen Deel vu mengem Liewen, wéi Fitness a Kampfsport (Selbstverdeedegung, Taekwondo). All meng Erfarungen sinn nëtzlech a wäertvoll fir Atelieren an Aktivitéiten ze proposéieren, sou wéi d'Aféierung vum Danz, Zeechen-Atelieren a Selbstverdeedegung / Taekwondo Coursen.

Mäin Zil an d'Zil vun der Equipe ass et fir jonk Leit eng sécher Plaz ze bidden, eng Plaz wou se sech kënnen uvertraue wann se et brauchen. Mir sinn hei fir se duerch d'Hindernisser an hirem Liewen z’ënnerstëtzen an ze begleeden, fir datt se hir perséinlech Ziler erreeche kënnen.

Ech si ganz frou an dësem Jugendhaus ze schaffen an et ass mir eng Freed fir déi Missiounen un ze goen déi un eis erugedroe ginn.

Tel:26 78 70 47 

Tel: 621 565 928